Астанада «Рухани жаңғыру» бағдарламасының кеңсесі жұмыс істей бастады

АСТАНА. ҚазАқпарат - Елордалық әкімдікте Астана қаласының «Рухани жаңғыру» бағдарламасының жобалық кеңсесі жұмыс істей бастады.

Әкімдік сайтының хабарлауынша, жобалық кеңсе ұсыныстар мен ескетпелерді қабылдайды, сондай-ақ жоғарыда көрсетілген Елбасының бағдарламасын іске асыру бойынша түсіндіру жұмыстарын жүргізеді.

Елорда тұрғындары мен қонақтары кез-келген сұрақ бойынша Астана қ. жобалық кеңсесінің сенім телефондарына хабарласа алады: 55-67-92, 55-67-93, немесе электронды мекен-жайға хат жолдай алады.

Онымен бірге тұрғындар өздерінің ұсыныстары мен тілектерін әкімдіктің сайтына  жібере алады («Белсенді азамат»  айдары, (Сіздің бастамаңыз).

Кеңсе Бейбітшілік көшесі 11, №409 бөлмеде орналасқан.