Астанада салынып жатқан үйлерге цифрлық теxнологиялар қолданылуда
Бүгін Астана әкімі Бақыт Сұлтанов «Bi-Group»компаниясы нысандарының құрылыс барысымен танысты.
BI Group холдингінің Басқарма төрағасы Амангелді Омаровтың айтуынша, өткен жылы компания 800 мың м2 немесе бүкіл Қазақстан бойынша 7204 пәтерді тапсырған. Жобалардың 70%-ы 2-3 ай ішінде мерзімінен бұрын берілді.
Жалпы соңғы үш жылда компания құрылыс мерзімін 30%-ға қысқартты. «ПРЕМЬЕРА» тұрғын үй кварталы классикалық емес стильде ерекше сәулетке ие. Тоқсан ішінде құрылыс компаниясынан клиенттерге сыйлық ретінде жасыл скверлі серуендеу аллеясы, ойын және спорт, футбол алаңдары құрылды. Аулалар көлік үшін толық жабық, бірақ шұғыл қызметтерге қолжетімді. Әрбір үй өнер түрлеріне - әдебиет, музыка, кино, бейнелеуге арналған. Кешеннің ерекшелігі BI Group жаңа стандарты бойынша орнатылған қоқыс жинау жүйесінде болып отыр. Бұл бактар жартылай жер астында. Қоқысты шығару үшін қақпақты ашу қажет (бұл жел кезінде қоқыс бактарының айналасында қоқыстарды шашпауға және санитарлық нормалар мен эстетика деңгейін сақтау мақсатында).
«700 пәтердің барлығы сатылды. Мұнда адамдар тұрып жатыр. Соңғы кезектегі жөндеудің жартысы қалды. Бұл бизнес-класс үйі. Барлық аула коммерциялық кеңселері жұмыс істейді. Мұнда шағын мейрамханалар, спорт клубтары, тілдерді оқыту орталықтары, яғни тұрғындар үшін барлық инфрақұрылым бар. Аулада аллея орналасқан, ол қаланың барлық тұрғындары үшін қолжетімді. Бірақ әр үйде қауіпсіз аула саясаты қарастырылған. Нысанның «Премьера» атына сай, аллеяда қызықты арт-нысандар орнатылған», - деді құрылыс компаниясының өкілі. Осы үйде сатылған тағы бір ноу-хау - «тастаматтар» деп аталады.
Идея Бағдад Мусинмен бірге жүзеге асырылды. Оның мәні-сәлемдемені және басқа да заттарды жәшікте қалдыруға болады, иесі оны QR код арқылы ала алады. «Avenue 5» ТК өткен аптада ғана пайдалануға берілді. Ауланың аумағы үйдің периметрі бойынша қоршалған және бақылау камераларымен жабдықталған. Тұрғындарға ыңғайлы болу үшін планшет немесе смартфон арқылы басқару функциясы бар IP-домофон орнатылған. Бұл үйдің де өз ерекшеліктері бар. Мұнда еуропалық және ресейлік құрылыс компанияларының тәжірибесі бойынша, үйге көшеден де, паркингтен де немесе ауладан да кіруге болатын «толассыз» кіреберіс стандарты қолданылған. Сонымен қатар, құрылыс салушы дене мүмкіндіктері шектеулі адамдардың ыңғайлылығы үшін еш жерде сатылар болмайтындай етіп жасауға тырысады. «Мұнда стандартты жылу торабы орнатылған. Бұрын есіңізде болса, жертөледе бәрі де болды. Ал мұнда температуралық режим. Стандартталған Grundfos және Danfoss сорғылары, мәжбүрлі желдету, бұрын табиғи болды. Ал қазір мұндай стандарт әрбір нысанда бар. «Тазалық, тәртіп», - деді Амангелді Омаров.
Үйдің тағы бір ерекшелігі - осы үйдің тұрғындары үшін қонақтарды қабылдауға арналған бөлме.
«Басты назар аударарлық - «Avenue» үйінің кез келген тұрғыны пайдалана алатын 24 орындық цокольдық қабаттағы жалпы қонақ бөлмесі . Мұнда зал жабдықталған, санитарлық торап және ас үйі бар. Бұл жерде шағын отырыстар өткізуге болады. Сонымен қатар, бөлме караоке бар мультифункционалды акустикалық жүйемен жабдықталған. Бұл - Астанаға, Қазақстанға келген өмір сапасының жаңа стандарты», - дейді BI Group Development холдингінің Басқарма төрағасы. 940 пәтерден тұратын «BI City Seoul» тұрғын үй кешенін шын мәнінде «ақылды» деп атауға болады. Үй-жайға кіру үшін кілттер мен кіруді қамтамасыз етудің басқа да дәстүрлі құралдары пайдаланылмайды. Есіктер бетті тану жүйесі арқылы ашылады. Осы жүйеге автомобильдің деректерін енгізуге болады, сонда паркинг қақпасы автоматты түрде ашылатын болады. Жүйеде мәліметтері жоқ басқа адамдар үшін үй-жайға кіруге тыйым салынады. Бұл пәтерлерге де қатысты. Әдеттегі кілттер де жоқ. 4 таңбалы кодты есікке арнайы орнатылған таблоға енгізгеннен кейін автоматты түрде ашылады. Пәтерде жылу, ылғалдылық, жарық датчиктері бар. Су тасқыны кезінде суды жабу датчигі де бар.
«Әлемде үйлерде үйде судың ағып кеткені туралы белгі беретін сенсор орнатылады. Бірақ біздің «фишка» - бұл кеңседе отырып, қосымша арқылы ысырманы өшіруге болады. Оған қоса су, электр, жарық шығыны туралы барлық деректер үш тұрғын үй кешені үшін бірыңғай диспетчерлік орталыққа беріледі. Даму сатысында тек жарықпен ғана емес, теледидармен де дауысты басқару жүріп жатыр. Осылайша, ванна немесе ас үйде бола отырып, арналарды дауыспен ауыстыруға болады. Сонымен қатар, үйдің ауласы корей стиліндегі ландшафтық дизайнмен безендірілген, ал күзет будкасы паркингтен аулаға шығарылған. Осы үйдің аясында енгізілген тағы бір жаңа стандарт - екі спорт аймағы, яғни жазда футбол алаңы болса, ал қыста хоккей корды. Жалғыз өтініш балкондар, қойма, қоқыс орындарының санын ҚНжТ бойынша қайта қарастыру қажет. Әкім құрылысшылардың барлық ұсыныстарын қолдап, қалалық сәулет басқармасының мамандарын тарта отырып қарауды тапсырды. «BI Group нысандарына енгізілген үздік стандарттарды қалада тарату керек», - деді Бақыт Сұлтанов компания нысандарын аралау барысында.