Астанада сот және құқық қорғау жүйелерінің мәселелері талқыланады
АСТАНА. 11 сәуір. ҚазАқпарат - Қазақстан Республикасының Әділет министрлігі ҚР Заң шығару институтымен бірлесіп 2012 жылғы 13 сәуірде «Қазақстан Республикасы Президентінің Жолдауы аясында сот және құқық қорғау жүйелерін жаңғырту» тақырыбында
ғылыми-практикалық конференция өткізеді.
Әділет министрлігінің мәліметінше, конференция барысында судья тәуелсіздігі қағидатының конституциялық-құқықтық негіздері мен оны қамтамасыз ету мәселелері, төрелік қызмет және аралық соттың азаматтық-құқықтық дауларды шешудегі рөлі мен орны, Қазақстандағы құқық қорғау жүйесін жаңғыртудың құқықтық негіздері, сондай-ақ ЕурАзЭҚ шеңберінде қылмыстылықтың алдын алу мәселелері қаралады.
Алқалы жиынның мақсаты - Қазақстан Республикасы Президентінің Жолдауы аясында сот және құқықтық қорғау жүйелерін қарқынды жаңғыртуды қамтамасыз ету үшін ұлттық заңнаманы дамытудың проблемаларын талқылау болып табылады.
