Астанада су құбырының жарылуы салдарынан 10 тұрғын үй, бір балабақша мен Ішкі істер бөлімінің ғимараты сусыз қалды

Төтенше жағдайлар министрлігінің баспасөз қызметінен мәлім еткендей, бүгін, сәуірдің 14-і күні таңертеңгі сағат 10.40-та Алматы ауданы Абылай хан көшесі 17/1 үйінің маңында тозығы жеткен су құбырының жарылуы болып, оның диаметрі 400 мм-ді құраған.

Соның салдарынан Мақтұмқұлы көшесі 3/1, Абылай хан даңғылы 17, 17 «А», 17 «Б», 19, 21, 25, 29/1, 27/1 тұрғын үйлер, сондай-ақ №69-шы балабақша мен Алматы аудандық Ішкі істер бөлімі сусыз қалды.

Төтенше жағдайды жоюмен «Астана су арнасы» Мемлекеттік коммуналдық кәсіпорнының 15 адамы мен 7 техникасы айналысуда.