Астанада «Сулы-жасыл бульвар» ТК лифтін жөндеу кезінде механик опат болды

АСТАНА. Шілденің 8-і. ҚазАқпарат - Кеше Астанадағы Сулы-жасыл бульвар» тұрғын үй кешенінінің шахтасында жөндеу жұмыстарын жүргізіп жатқан кезде лифт «Казинтерлифт» ЖШС механигін басып қалды, деп хабарлайды ҚР ТЖМ баспасөз қызметі.

Ведомствоның баспасөз қызметінің хабарлауынша, 2010 жылғы шілденің 7-сінде 15:07 минутте Астанада (Есіл ауданы, Д.Қонаев көшесі, 12/1, «Сулы-жасыл бульвар» ТК) шахтада жөндеу жұмыстарын жүргізу кезінде «Казинтерлифт» ЖШС 25 жастағы механигін үстінен лифт басып қалған, ол алған жарақаты салдарынан оқиға орнында мерт болды.