Астанада суретші-зергер Сержан Башировтың жеке көрмесі ашылды

АСТАНА. ҚазАқпарат - Бүгін Астанадағы Қазіргі заман өнер мұражайында танымал суретші-зергер, педагог, Қазақстан Суретшілер одағының мүшесі, "ЮНЕСКО" Сапа белгісінің" иегері Сержан Башировтың "Бәйшешек" атты жеке көрмесінің вернисажы өтті.

"Сержан Мұратұлы қазіргі заманғы қазақстандық зергерлердің арасында өзінің брендімен танымал дарынды тұлға. Оның шығармашылығы ұлттық символикаға қаныққан, формалары өзгеше, сондай-ақ көркемдік талғамы ерекше, этноавангардтық дизайн үлгілеріне сәйкес келеді", - дейді көрмені ұйымдастырушы, автордың туған әпкесі Гүлмира Баширова.

Көрмеге шебердің қолынан 2000-2014 жылдар аралығында шыққан 100-ге жуық зергерлік бұйымдары, кіші формалардың мүсіндері және инсталляциялар қойылған.

Көрме есігі өнер сүйер қауымға 18 наурыздан 7 сәуірге дейін ашық.