Астанада тағы 7 көшеде автобус жолағы пайда болады

АСТАНА. KAZINFORM - City Transportation Systems компаниясы Астанада жеті көшеде жалпы ұзындығы 58,6 шақырым Bus Lane жолағын енгізу жоспарланып отырғанын хабарлады.  

Алдағы уақытта арнайы жолақтар Мәңгілік ел, Тұран, Ұлы Дала, Қошқарбаев, Тәуелсіздік даңғылдары мен Керей Жәнібек хандар, Айтматов көшелеріне салынады.

Бөлінген жолақтарды енгізу мерзімі мамыр айының соңынан бастап хабарланады.

Бұл қоғамдық көліктің жүру уақытын 6 минутқа қысқартады.

Мәселен, 18 минуттан 12 минутқа дейін.

Сондай-ақ, автобустардың қозғалыс жылдамдығын 16 км/сағ-тан 19 км/сағ-қа дейін арттыруға ықпал етеді.

Bus Lane жобасы алғаш рет Астана қаласында 2015 жылы 26 шілдеде екі учаскеде пилоттық режимде енгізілді: Момышұлы, Абылай хан, Сарайшық көшесіне дейін және Бөгенбай батыр даңғылында Уәлиханов көшесінен Сарыарқа даңғылына дейінгі аралықта.

Қазір қалада автобустар жолағының жалпы ұзындығы — 100,5 шақырым.

27 жол бөлігінде енгізілген.