Астанада теннисші Гозаль Айнитдинова Президент кубогының екінші айналымына шықты
АСТАНА. ҚазАқпарат -Гозаль Айнитдинова үлкен теннис бойынша сыйлық қоры 125 мың доллар «Президент Кубогы-2016» (President's Cup) халықаралық турнирінің екінші айналымына шықты, деп хабарлайды Қазақстан Теннис федерациясының сайты.
Бірінші айналымдағы матчта қазақстандық спортшы ресейлік Лусинэ Аванесяннан басым түсті. Матч қорытындысы - 6:4, 2:2 қарсыласы ойынды жалғастырудан бас тартты.
Өкінішке қарай, бірінші айналымдағы матчта Камила Керімбаева Влада Екшибаровадан 6:4, 5:7, 3:6 есебімен жеңілді. Сондай-ақ, қазақстандық Денис Евсеев екінші айналымға шыға алмады. Ол екі сетте жапониялық Юя Кибиден 0:6, 4:6 есебімен ұтылды.
