Астанада теннистен Федерация кубогы І тобының матчтары өтеді

АСТАНА. ҚазАқпарат - 4-9 ақпан күндері Астанадағы Ұлттық теннис орталығында Федерация кубогы І тобының матчтары өтеді. Онда Азия және Океания аймағына кіретін елдер сынға түседі, деп хабарлайды ҚазАқпарат Қазақстанның Теннис федерациясына сілтеме жасап.

Командалар Қазақстан астанасына 4 ақпан күні келіп, жаттығуларын өткізеді. 5 ақпанда командалардың капитандары өзара күш сынасады.

6 ақпан күні таңғы 11-ден бастап Қазақстан - Тайланд, Қытай - Океания, Корея - Индонезия матчтарын тамашалауға болады.

Келесі күні Қытай - Корея, Үндістан - Таиланд және Индонезия - Океания матчтары болады.

Соңғы тур ойындары 8 ақпанда өтеді. Онда Қазақстан Үндістанмен ойнайды, сондай-ақ Қытай - Индонезия, Корея - Океания кездесулері өткізіледі.

9 ақпан күні 11:00-де теннистен Федерация кубогы Азия/Океания аймағы І тобы матчтарының финалы өтеді. Онда ІІ Әлемдік топтың плей-офф кездесулеріне жолдама беріледі.

Еске сала кетсек, Астанада Қазақстан мен Португалия арасындағы Дэвис кубогының бірінші раунд матчы аяқталды. Португалияны 3:1 есебімен жеңген Қазақстан Дэвис кубогының финал кезеңіне шықты.