Астанада тұмауға қарсы 56 мыңнан астам адам егілді - қалалық Санэпидқадағалау департаментінің бастығы

Бұл туралы бүгін өткен баспасөз мәслихатында елорданың бас санитарлық дәрігері Сарқыт Бейсенова мәлім етті.
С.Бейсенованың айтуынша, осы күнге дейін Астана қаласында тұмауға қарсы 56 887 адам егілді. Бұл қала халқының 8 пайызын құрайды. Соның ішінде «қатерлі топқа» жататын 6 635 адамға егу жергілікті бюджет есебінен жүргізілді. 50 252 тұрғын ақылы егу кабинеттеріне жүгінді.
Онымен бір мезгілде С.Бейсенова, вакцина тек тұмаудан ғана қорғайтынын атап өтті. Ал табиғатта 200-ден астам түрі бар - жедел респираторлық вирусты инсфекциялардың (ЖРВИ) алдында ол қауһарсыз.
«Сондықтан», - дейді ол, медицина қызметкерлері егуді жүргізген кезде, адамдарға ағзаның иммундық жүйесін көтеру қажеттігі туралы да кеңестерін айтуды ұмытпауы тиіс. Астана қаласының Мемлекеттік санитарлық-эпидемиологиялық қадағалау департаменті ол үшін витаминдер мен минералдарға бай тағамдардарды көбірек жеуге, ал химиялық препараттардың арасынан - римантадинді қолдануды ұсынып отыр. Препарат екі жастан асқан балалар мен ересектерде эпидемия кезінде тұмаудың алдын алу және емдеу үшін қолданылады. Педиатрияда римантадиннің шәрбат түріндегі - альгирем препараты пайдаланылады. Дәрігерлер римантадиннің негізінде жасалған тағы бір препарат - полиремді ұсынуда.
«ҚР ДСМ Мемлекеттік санитарлық-эпидемиологиялық қадағалау департаменті суық тиюдің алғашқы белгілері пайда болған жағдайда медицина мамандарының көмегіне дер уақытында жүгініп, өз-өзін емдеумен айналыспауды, жақындағыларды жұқтырмау үшін бетперделерді тағып жүруді сұрайды», - деді ол.
Сондай-ақ Департамент басшысы, астаналық тұрғындарға жөтелу мен түшкіру этикетін сақтауды сұрап отыр. Қоғамдық орындарда адамдардан 1 метр қашықтыққа барып, ауыз-мұрын орамалмен жабылуы тиіс. Онымен бірге, жеке бастың және қоғамдық тазалығын сақтап, ауырған жағдайда үйде жатып емделген абзал.