Астанада үлескерлердің қаражатын ұрлау ісі бойынша тергеу жүріп жатыр
АСТАНА. ҚазАқпарат - Астанада үлескерлердің қаражатын ұрлау ісі бойынша тергеу жүріп жатыр және зардап шеккен адамдар болса, хабарласуын сұрайды, деп хабарлады «ҚазАқпарат» ХАА Астана ІІД баспасөз қызметіне сілтеме жасап.
Сонымен, «АКА-АБ» ЖШС басшылары Б.С. Баймұханова, А.А. Баймұханова, Е.М. Битақов, К.О. Жақановқа қатысты қылмыстық іс тергелуде. Оларға Астана, «Оңтүстік-Шығыс» шағын ауданы, №837 учаске бойынша бесқабатты үй құрылысы кезінде үлескерлік қатысу шартын жасасу арқылы үлескерлердің қаражатын жымқырды деген күдік тағылуда, деп хабарлады ведомстводан.
Осы адамдардан зардап шеккендер: 8(7172)71-67-31, 71-67-10 және 8-702-308-08-35 телефондарына хабарласуды сұраймыз.
Еске салсақ, бұдан бұрын коммерциялық құрылыс компанияларының екі басшысы мен риэлторлық кеңсе иесі үлескерлерден 1 млрд теңгеден астам қаражат жымқырғаны үшін сотталған.
