Астанада Жаңа жылда күн ала бұлтты, жауын-шашынсыз болады
АСТАНА. 31 желтоқсан. ҚазАқпарат - Жаңа жыл мерекесі күні елордада күн ала бұлтты, жауын-шашынсыз болады. Ал 2014 жылдың алғашқы күні қар жауады, боран соғады,
деп хабарлайды astana.kz сайты «Қазгидромет» РМК-ға сілтеме жасап.
Астанада Жаңа жыл мерекесі күндері көшпелі бұлт шығады, жауын-шашын болмайды. Түнде ауа температурасы -14;-10°C, күндіз -9;-5°C болуы ықтимал.
«31 желтоқсанда күн бұлтты, жауын-шашынсыз болады. Батыстан 9-14 м/с жылдамдықпен жел соғады. Ауа температурасы түнде -12;-14°C, күндіз -7;-9°C болады. 1 қаңтарда күн бұлтты болады, аздап қар жауады, боран. Оңтүстік-батыстан 9-14 м/с жел соғады, екпіні 18 м/с жетеді. Түнде ауа температурасы -10;-12°C, күндіз -5;-7°C болады»,- деп болжайды синоптиктер.
