Астанада жасөспірімдер арасында бокстан Қазақстан чемпионаты өтеді

АСТАНА. Ақпанның 26-сы. ҚазАқпарат – Астана қаласында, «Жастар» сарайының спорт залында наурыздың 3-і мен 8-і аралығында жасөспірімдер арасында бокстан Қазақстан чемпионаты өтеді,

деп хабарлайды ҚазАқпарат Спорт комитетінің баспасөз қызметіне сілтеме жасап.Жарысқа еліміздің түкпір-түкпірінен 1993-1994 жылдары туған 200-ден астам спортшы қатысады. Чемпионат қорытындысы бойынша мамыр айында Ереванда жасөспірімдер арасында өтетін әлем чемпионатына қатысатын үміткерлердің негізгі құрамы анықталмақ.