21:38, 02 Тамыз 2024 | GMT +5
Астанада жауған нөсер жауыннан көшеде көлік қозғалысы қиындады
АСТАНА. KAZINFORM — 2GIS дерегі бойынша елордада нөсер жаңбыр салдарынан 9 балдық кептеліс тіркелді.
Картада елорда жолдарында тоғыз балдық кептеліс деңгейі көрсетілген. Көлік қозғалысы Қабанбай батыр, Сығанақ, Сарайшық көшелері, Тұран даңғылы және басқа да бағыттар бойынша қиындаған.
Бұдан бөлек, нөсер жаңбырдан кейін такси бағасы айтарлықтай қымбаттады.
Сондай-ақ, жауын-шашын салдарынан алты электр желісінде апаттық үзіліс болды.
Бұған дейін елордада нөсер жаңбырдан кейін 200-ге жуық техника көшелерден су айдайтыны хабарланған болатын. Оның ішінде машиналар мен мотопомпалар бар.
Қазгидромет синоптиктері ертең, 3 тамызда елордада ауыспалы бұлт шығып, өткінші жаңбыр жауады және найзағай ойнайды деп болжам жасады.
