Астанада жеңіл автокөлік пен экскаватор соқтығысып қалды, адам шығыны бар

АСТАНА. Желтоқсанның 7-сі. ҚазАқпарат - Өткен сенбі, желтоқсанның 5-і күні Астанада «ТО-49» үлгісіндегі доңғалақпен жүретін экскаватор мен «БМВ» автокөлігі соқтығысып қалды, екі адам құрбан болды,

деп хабарлайды ҚазАқпарат ҚР Төтенше жағдайлар министрлігіне сілтеме жасап.

Оқиға 12 сағат 03 минутта Алматы ауданы Ақжол көшесіндегі «Бақыт» жанар-жағармай құю стансысына қарсы жолда орын алды. Апат салдарынан жеңіл автокөліктің 37 және 56 жастағы жолаушылары оқиға орнында жан тәсілім етті.