Астанада жол жөндеу жұмыстарына байланысты бірқатар көшелер жабылды

Бұл туралы қалалық ІІД Жол полициясы басқармасынан хабарлады.

Жол жөндеу жұмыстарының жүргізілуіне орай келесі көшелерде көлік қозғалысына шектеулер қойылды: Жұбанов көшесінен бастап Республика даңғылына дейінгі - Иманов көшесінде; Ақмола көшесінен бастап Кенесары көшесіне дейінгі - Уәлиханов көшесінде; Ә.Молдағұлова көшесінен бастап Кенесары көшесіне дейінгі - Жеңіс даңғылында; Абай көшесінің Жеңіс даңғылымен қиылысатын учаскесінде; Потанин көшесінен бастап Бейбітшілік көшесіне дейінгі - Московский көшесінде; Затаевич көшесінің Потанин көшесімен қиылысатын учаскесінде; Байтұрсынов көшесінен бастап «Хива» мейрамханасына дейінгі - Қарасай батыр көшесінде; 25-ші көшеден бастап 30-шы көшеге дейінгі - Орынбор көшесінде.

Сондай-ақ бірқатар көшелер жартылай жабылды. Атап айтқанда, №2-ші жол өтпесінен Литейный көшесіне дейінгі Ақжол көшесімен; Жеңіс даңғылынан Бейбітшілік көшесіне дейінгі Есенберлин көшесімен; Қазақ Мемлекеттік заң университетінің аумағындағы Қорғалжын тас жолымен; Московский көшесінен бастап Молдағұлова көшесіне дейінгі Бекетай көшесімен; Дүкенұлы көшесінен бастап Бөгенбай батыр көшесіне дейінгі Айманов көшесімен; Бөгенбай батыр даңғылынан бастап Жангелдин көшесіне дейінгі Айманов көшесімен; Сейфуллин көшесінен бастап №4-ші мектеп-гимназияға дейінгі Айманов көшесімен; Ақан Сері көшесінен Медеу көшесіне дейінгі Талапкер көшесімен және Оқжетпес көшесінен бастап Қарбышев көшесінің тұйықталатын учаскесіне дейінгі Бөкеев көшесінің бойымен жол қозғалысына тыйымдар салынды.