Астанада жүкті келіншек зардап шеккен жол апатына кінәлі жүргізуші жұмысынан қуылды
АСТАНА. ҚазАқпарат - Жүкті келіншек зардап шеккен жол-көлік оқиғасына әкеп соқтырған 48-бағдар автобусының жүргізшісі жұмысынан қуылды, деп хабарлайды ҚазАқпарат тілшісі.
Бұл туралы «Астана LRT» баспасөз хатшысы Науат Азанбаева хабарлады.
Еске сала кетейік, кеше Астанада екі автобус соқтығысып, салдарынан №48 автобуста келе жатқан 24 жастағы жүкті келіншек зардап шеккен болатын. Оның жүктілік мерзімі - 23-24 апта болатын. Оған күйзеліске қатты әсер ету диагнозы қойылды. Осы орайда жолаушы №3 перинаталдық орталыққа жеткізіліп, тексеру шаралары жүргізілуде. Астана полицейлері №48 автобус жүргізушісіне қатысты хаттама толтырды.
