Астанада жүргізушілер автобусты мас күйінде басқарған
Бұл туралы қалалық ІІД ЖПБ-нің баспасөз қызметінен хабарлады.
Бұзушылықтар техникалық ақаулыққа, ауаға құрамында зиянды заттары бар газ бен түтін мөлшерін шамадан тыс шығаруға, қауіпсіздік белдігін тақпауға, жол бойын ластауға қатысты болды. Сондай-ақ автобусты мас күйінде айдағаны үшін екі жүргізуші ұсталды.
Еске салайық, «Автобус» шұғыл-алдын алу іс-шарасы Астанада 28-31 мамыр аралығында жол бойындағы апатты жағдайлардың алдын алу мен автобус жүргізушілерінің көлікті жүргізу ережесін мүлтіксіз сақтауына бақылау жасау мақсатында өткізілуде.
astana.kz сайтының жазуынша, жыл басынан бері елордада автобустардың қатысуымен 17 жол-көлік оқиғасы тіркелген. Олардың арасында 12 ЖКО автобус жүргізушілерінің кінәсінен болып, нәтижесінде 26 адам түрлі деңгейдегі ауыр жарақаттар алды.