Астанада жыл басынан 3,7 мың адам коронавирусқа шалдықты

НҰР-СҰЛТАН. ҚазАқпарат –2021 жылдың қаңтар айының басынан бері елордада коронавирус инфекциясының 3 763 жағдайы тіркелді. Бұл туралы Нұр-Сұлтан қаласының Бас мемлекеттік санитарлық дәрігері Сархат Бейсенова айтты, деп хабарлайды ҚазАқпарат тілшісі.

«Уақытылы қабылданған шектеу және карантиндік шаралардың арқасында 30 қаңтардан бастап COVID-19 инфекциясы бойынша эпидемиологиялық ахуалды бағалау матрицасына сәйкес қала сары аймаққа көшті. Алайда, қалада барлық жастағы және контенгенттегі тұрғындар арасында COVID-19 жағдайлары тіркелуде. 2020 жылдың желтоқсанымен салыстырғанда ауры 1,5 есеге немесе 35 пайызға өсуі байқалады», - деді ол Орталық коммуникациялар қызметіндегі баспасөз мәслихатында.

Бас мемлекеттік санитарлық дәрігердің айтуынша, 2021 жылдың қаңтар айының басынан бері 3 763 жағдай тіркелді. Бір тәулікте инфекцияның 61 жағдайы тіркеліп отыр.

«Оның ішінде симптоммен - 44, симптомсыз - 17. 65 ошақ анықталды, 49-ы - үй, 16-сы - ұйымдастырылған. Астаналықтар арасында ауырғандардың 24,5 пайызын 30-39 жастағы адамдар құрайды. 50 мен одан жоғары жастағы адамдар – 22,7 пайыз, 18-19 және 40-49 жастағы топтар бойынша - 16-ы пайыздан, балалар - 16,7 пайыз», - деді Сархат Бейсенова.