18:10, 23 Сәуір 2025 | GMT +5
Астанадағы алып шолу дөңгелегінде Абай Құнанбайұлының суреті тұр
АСТАНА. KAZINFORM — Ұлы ақын, ойшыл және ағартушы Абай Құнанбайұлының 180 жылдығына орай Астанадағы шолу дөңгелегіне портреті жарияланды. Бұл туралы елорда әкімдігі жазды.
LED жарықтандырудың көмегімен жасалған портреттің диагоналі 65 метрді құрайды және 53 мың пиксельден тұрады. Бұл ауқымды инсталляция қаланың әртүрлі орындарынан – Сарыарқа мен Тұран даңғылдарынан, сондай-ақ Қорғалжын тас жолы жағынан жақсы көрінеді.
Алдағы уақытта дөңгелекке ақынның қанатты сөздерін жариялау арқылы инсталляцияны толықтыру жоспарланып отыр.
Айта кетейік, Өзбекстанда Абайдың 180 жылдығы кеңінен тойланып жатыр.
