Астанадағы кептелістен тұрғындар діттеген жеріне уақтылы жете алмай тұр

Астана
Фото: Виктор Федюнин / Kazinform

АСТАНА. KAZINFORM – Бүгін таңертең елордада ауқымды көлік кептелісі басталды. Осыған орай агенттік тілшісі қаланың қай көшелерінің жабық екенін анықтап көрді. 

Астана әкімдігінің дерегінше, бүгінде сол жағалаудағы жолдарды орташа жөндеуге қатысты ахуал мынадай:

Сарайшық көшесі Б.Момышұлы даңғылынан Тұран даңғылына дейін жолдың үстінгүң жабынын төсеу үшін толық жабық. Жөнде жұмыстарын 17 маусым күні сағат 6:00-де аяқтау жоспарланған. 

Көше
Коллаж: Kazinform

Қабанбай батыр мен Ұлы дала даңғылдарының қиылысы да жабық тұр. Бұл аралықтағы жөндеу жұмыстары бүгін кешкі сағат 23:00-ге қарай аяқталады.

жол жөндеу
Коллаж: Kazinform

Қабанбай батыр даңғылының Ұлы дала мен Хусей бен Талал көшесіне дейінгі аралығында да көлік жүре алмайды. Бұл учаскедегі де жөндеу жұмыстары бүгін кешке бітеді.

Көше
Коллаж: Kazinform

Әкімдік Мәңгілік ел даңғылы жақтан Марал көпірінің жолы да жабық тұрғанын ескертеді. Қазіргі уақытта Тәуелсіздік көпірімен көлік қатынап жатыр.

Астана
Фото: Виктор Федюнин / Kazinform

«Биыл жол инфрақұрылымына басымдық беріледі. Соған орай осы жылы жолдарды салу және жөндеу жұмыстарының көлемі артады. Бұл ретте климаттық ауа райы жағдайын ескерер болсақ, жол жөндеу маусымының қысқа екендігін атап өтеміз. Сол себепті жолшылар бірден бірнеше көшені жөндеп жатыр. Дегенмен, жол қозғалысы да ескеріледі. Жұмыстардың бөлігі аяқталды», - деп атап өтеді әкімдіктің баспасөз қызметі.

Астана
Фото: Виктор Федюнин / Kazinform
Астана
Фото: Виктор Федюнин / Kazinform

Естеріңізге сала кетейік, мамыр айының басынан Астанада ауқымды жол жөндеу маусымы басталды. Елорда әкімдігі қазан айына дейін 51 көшені жөндемек. Жоспарға сәйкес, жол жабынын орташа жөндеу жалпы ұзындығы 53,8 шақырымды құрайтын 51 көшеде жүргізіліп жатыр.

Соңғы жаңалықтар
telegram