Астанадағы 6 құрылыс компаниясына қатысты қылмыстық іс қозғалды
АСТАНА. ҚазАқпарат - Астана қаласындағы 6 құрылыс компаниясына қатысты қылмыстық іс қозғалды, деп хабарлайды қала әкімінің баспасөз қызметінен.
«Заңсыз кәсіпкерлік қызмет фактілері бойынша келесі құрылыс компанияларына қатысты қылмыстық істер қозғалды (ҚР ҚК 214 бап): «ОралДизайнСтройсервис» ЖШС, «Стройкласс» ЖШС, «Акмолтеплосервис» ЖШС «Төленді» ТҚК бойынша, «Асар» РҚБ, «Аль баракат компани» ЖШС, «Биком Инжиниринг» ЖШС «Жайна» ТК бойынша» делінген хабарламада.
Үстіміздегі жылдың 2 сәуірінде әкімдіктің сайтында жарияланған 26 жауапсыз құрылыс салушының тізімінен бүгінде екі құрылыс компаниясы: «Premier Palase» ТК салып жатқан «Elite market group» ЖШС және «Future Home» ТК салып жатқан «Номад строй ЭК» ЖШС құрылыс жүргізуге рұқсат және растау құжаттарын, сонымен қатар екінші деңгейлі банктердің аталған тұрғын үй кешендерін салуға несие желісін беруі туралы құжаттарды ұсынды, бұл оларға салынып жатқан үйлерде пәтерлерді сатуға құқық береді.
Бұл ретте көрсетілген тізімдегі бірқатар компаниялардың құрылыс жүргізуге рұқсат құжаттары бар, бірақ үлескерлер қаржысын тартуға лицензиялары жоқ, атап айтқанда: «Политренд Астана» ЖШС «Памир» ТК бойынша, «Астана Дориндустрия» ЖШС «Бейбарыс» ТК бойынша, «Континент INC» ЖШС «Өмір Өзен» ТК бойынша, «Азбука жилья» ЖШС, «Экспо Таун», «Садовый квартал» және «Гарант» ТК бойынша, «Sat Constaction Group» ЖШС «Семейный» бойынша, «Main-street» ЖШС «Ориенталь» ТК бойынша, «Алга Токболат» ЖШС Қорғалжын тас жолының бойындағы тұрғын үй кешені бойынша (А, Б, В блоктарына), «Доступные квадраты» ЖШС «Пана» ТК бойынша, «AstanaTradeLtd» ЖШС «Кристалл» ТК бойынша.
Бүгінгі таңда аталған құрылыс компаниялары пәтерлер сату (өткізу) туралы хабарландыруларды жариялауды тоқтатты.
Қалған компаниялар бойынша құрылыс жүргізуге рұқсаттар және үлескерлерді тартуға лицензиялар жоқ.
