Астанадағы ардагерлердің басым бөлігі - төсек тартып, ауырып жатқандар - Ардагерлер кеңесі
АСТАНА. Сәуірдің 30-ы. ҚазАқпарат /Арман Асқаров/ - Елордада тіркелген 470 ардагердің 100-інің ғана жүруге икемі бар. Бұл туралы бүгін Ұлы Жеңістің 65 жылдығына арналған «Ұлы жеңіс: жаңаша көзқарас пен зерттеу жолдары» атты халықаралық ғылыми-тәжірибелік конференцияда Астана қаласының Ардагерлер кеңесі төрағасының орынбасары Еркен Саркенов мәлім етті,
деп хабарлайды ҚазАқпарат.
Оның мәліметі бойынша, бүгінде Астана қаласының Ардагерлер кеңесінде 470 Ұлы Отан соғысының ардагері тіркелген. «Олардың тек 100-і ғана өз күшімен жүріп тұрады. Қалғандары болса, төсек тартып, ауырып жатқандар», - дейді Е.Саркенов.
Кеңес төрағасының орынбасары атап көрсеткендей, бүгінде кеңесте тіркелген ең жас ардагер - 83 жаста.
