Астанадағы арнайы оқу орындарында 30 мыңнан астам адам білім алуда
АСТАНА. 25 қаңтар. ҚазАқпарат - Бүгінгі таңда Астанада техникалық және кәсіби білім беретін 33 тәуелсіз ұйым және 4 филиал жұмыс істейді.
Осы оқу орындарында 31 219 адам оқиды. Бұл туралы қалалық Статистика департаментінен хабарлады.
Елорданың ресми сайтының жазуынша, студенттердің 84,8%-ы күндізгі бөлімде, 0,7%-ы түнгі бөлімде және 14,5%-ы сырттай бөлімде оқиды. Білім 9 бағыт бойынша беріледі, олардың қатарында гуманитарлық, құрылыс, заң, экономикалық және медициналық мамандықтар бар.
«2012-2013 оқу жылдарының басында қаладағы техникалық және кәсіби білім беретін ұйымдарда 1441 мұғалім тартылған және 138 шебер өндірістік дәріс берген, олардың 90,5%-ы оқу орындарының штатына алынған. 408 мұғалімнің және өндірістік білім беретін 13 шебердің санаты жоғары; мұғалімдердің 93,4%-ның және өндірістік білім беретін шеберлердің 59,4%-ның білімі жоғары», - делінген хабарламада.
