Астанадағы әскери парадта соғыс техникалары тарихи және заманауи үлгіде көрсетілді

Парадқа қатысу үшін соғыс кезінде пайдаланылған 40-қа жуық қару-жарақ, әскери және авиациялық техникалар жөндеуден өткізілген. Әскери парадтың тарихи бөлімінде Ұлы Отан соғысы жылдарында қолданылған техниканың 36 түрі іске қосылған. Олардың ішінде, 27 әскери техника мен қару-жарақ (Т-34 танкі, ЗИС-2 зеңбірегі және М-30 гаубицалы ЗиЛ-157, танымал БМ-13 РС-30 «Катюшасы» және «Максим» пулеметі), сондай-ақ, 9 ұшу құралдары (АН-2 және ТL-2000) бар.

Парадқа қатысқан әскери техникалардың көшін Т-34 танкі, ЗиЛ-157 сүйреткен ЗИС-2 зеңбіректері және М-30 гаубицалары, аты аңызға айналған БИ13 РС-30 «Катюша» техникалары бастады. Сонымен қатар, «Максим» пулеметі, РПД (Дегтяреа қол пулеметі), ППШ (Шпагин тапанша-пулеметі) парад тізбегін жалғастырды.

«Парадқа қатысқан қазіргі техникаларға тоқталсақ, заманауи техникалар шеруін басқарылатын қарумен жарақтандырылған Т-72Б танкі бастады. Бұдан өзге, алаңда танктерді қолдау жауынгерлік машиналары, соңғы жылдары қазақстандық армияның сапына қосылған жауынгерлік машиналар, «Солнцепек» жаяу әскер жауынгерлік машиналары, БТР-82 бронетранспортерлері, Д-30, «МСТА» гаубицалары, КамАЗ, автокөліктері «Тигр» броньды көліктері, «Корба» жауынгерлік барлау көліктері және басқа да заманауи әскери техникалар жүріп өтті.

Бүгінгі Отан қорғаушы күні және Жеңістің 70 жылдығына орай ұйымдастырылған мерекелік әскери парад - еліміздің Қарулы Күштері тарихындағы елеулі оқиға болғаны анық. Бұл қазақстандық әскери күштердің барлық түрі қатысқан және ауқымы жағынан бұрын-соңды болмаған аса ірі мерейтойлық шара екені даусыз.