Астанадағы көпқабатты тұрғын үйдің біріне жарылғыш зат қойылғандығы туралы анонимді хабар алынды

АСТАНА. Қарашаның 2-сі. ҚазАқпарат - Астана қаласының Ішкі істер департаментіне Алматы ауданындағы көпқабатты тұрғын үйлердің біріне жарылғыш зат қойылғандығы туралы анонимді қоңырау келіп түсті,

 деп хабарлайды ҚазАқпарат ТЖМ-ға сілтеме жасап.

 Министрліктен хабарлағандай, өткен сенбі күні сағат 22:58-де, 4-ші шағынаудандағы №33-ші бес қабатты тұрғын үйдің №13-ші пәтеріне жарылғыш зат қойылғандығы туралы анонимді ақпарат келіп түскен.

 Жедел жүргізілген арнайы іс-шаралардың нәтижесінде жарылғыш зат табылмады.