Астанадағы «Шанхай» базары маңынан әйел адамның мәйіті табылды
АСТАНА. ҚазАқпарат - Астанада 26 жастағы әйелдің мәйіті табылды, деп хабарлайды ҚазАқпарат Астана ІІД баспасөз қызметіне сілтеме жасап.
Оқиға Алаш тас жолында ең үлкен сауда орындарының бірі - «Шанхай» базары маңында болған.
«13 қыркүйек күні шамамен 20:00-де Алаш тас жолындағы Шанхай базары маңынан белгісіз әйелдің денесі табылған болатын. Полиция қызметкерлері қажетті шараларды жүргізіп жатыр. Кейінірек әйелдің аты-жөні анықталды», - деп хабарлады қалалық ІІД баспасөз хатшысы Софья Қылышбек.
Баспасөз хатшысының хабарлауынша, сот-медициналық сараптама нәтижесінде зорлық-зомбылық іздері табылған жоқ. Қазір сотқа дейінгі тергеу амалдары жүріп жатыр.
