Астанадан шығатын барлық бағыттарда жолдар жабылды
АСТАНА. ҚазАқпарат - Боранға байланысты Астанадан шығатын барлық бағыттарда жолдар жабылды. Бұл туралы «Қазақавтожол» РМК мәліметінде хабарланды.
Атап айтқанда, «Астана-Петропавл» жолының 18-231 шақырымындағы Астана мен Бурабай аралағында жол жабылды.
«Екатеринбург-Алматы» жолының 1007-1247 шақырымындағы Атбасар мен Астана учаскесінде көлік қозғалысы шектелді.
Ал «Астана-Ерейментау-Шідерты» жолының 16-205 шақырымындағы Астана мен Павлодар облысы шекарасы аралығында жол жабық.
Бұдан бөлек, «Астана-Киевка-Теміртау» жолының шақырымындағы Астана мен Қарағанды облысы шекарасын учаскесінде көліктердің жолға шығуына тыйым салынды.
Сонымен қатар «Екатеринбург-Алматы» жолының 1275-1353 шақырымындағы Астана мен Қарағанды облысы шекарасы аралығы жабық.
Боранға байланысты кешқұрым «Астана-Қорғалжын» жолының 19-169 шақырымында қозғалыс шектелді.
