Астанада Н. Тілендиев даңғылының бір бөлігі уақытша жабылады
АСТАНА. KAZINFORM — 31 мамыр мен 15 маусым аралығында Н. Тілендиев даңғылының Баршын көшесінен көлік жолайрығына дейінгі учаскесінде жөндеу жұмысы жүргізіледі, деп хабарлайды елорда әкімдігінің ресми сайты.
Осыған байланысты аталған учаскеде қозғалыс ішінара шектеледі. Дегенмен көлік қозғалысы екі бағытта да жолдың бір жағымен ұйымдастырылады.
— Жүргізушілер мен жаяу жүргіншілер жүру бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады, — делінген хабарламада.
Бұдан бұрын «Астана қаласының айналма жолы» автожолының учаскесінде қозғалыс уақытша шектелетінін жаздық.
