Астанаға жақын жерде «жасыл» технологиялар академиясы ашылды (ФОТО)

АСТАНА. ҚазАқпарат - Астана қаласынан 30 шақырым қашықтықтағы Арнасай ауылында бірегей оқу орны ашылды. «Жасыл» технологиялар» халық академиясы» енді қазақстандықтарға қуат және су үнемдеудің әдіс-тәсілін үйрететін болады.

Әуел баста бұл орталық занамауни технологияларды енгізетін зертхана ретінде құрылған. Зертханада қуат үнемдеу, жылыжайларды тиімді қуатпен қамтамасыз ету, «жасыл» технологиялар мен қалдықтарды пайдаға асыру салаларында ондаған жобалар жүзеге асырылды. 1 050 шаршы метр аумақты алып жатқан мектептің сыныбы, 30 орынға арналған қонақ үйі, асханасы, фитодиотты жылыжайы бар. Бұл мектепке келген адамдар «жасыл» технологияның неше түрлі әдіс-тәселдерін үйреніп, керек кеңес ала алады. Академияның дәрісін толық аяқтаған адамға тиісті сертификат беріледі.