Астаналық хоккейшілер Халықаралық Олимпиада күнін атап өтті

АСТАНА. KAZINFORM — Халықаралық Олимпиада күнін тойлау аясында Астанада интерактивті хоккейден турнир өтті.

Ұлттық Олимпиада комитетінің мәліметінше, турнирге 4 астаналық команда қатысты (2012): «Номад», «Астана-1», «Астана-2» және «Бригантина».

Бірінші кезеңде балалар киберхоккейден ұпай жинаса, екінші кезеңде кросс-айс форматында мұз айдынындағы жарыста бақ сынады. Нәтижесінде, «Номад» командасы турнирдің жеңімпазы атанды.

Қатысушылардың барлығы ресми серіктестер Coca Cola Kazakhstan, Prima Distribution - мен бірлескен Galmart супермаркеттер желісінен естелік сыйлықтар алды.