Астаналық театр ұжымы су тасқынынан зардап шеккен қарағандылықтарға қолдау көрсетті
АСТАНА. ҚазАқпарат - «Астана Опера» МОБТ қызметкерлері су тасқынынан зардап шеккен Қарағанды облысының тұрғындарына көмек ретінде бір күндік еңбекақыларын аударады, деп хабарлайды театрдың баспасөз қызметі.
Мұнымен қатар, су тасқынынан зардап шеккендерге көмек көрсету жөнінде Астана қалалық «Жас Отан» жастар қанаты жанынан құрылған Қоғамдық штаб жұмысын бастады. Театр қызметкерлері өз үлесін қосып, штабқа осындай табиғат апатынан жағдайдан зардап шеккендерге қажет азық-түлік пен киім-кешек жеткізді.
