Астаналық жас хоккейші әлем чемпионатының «Үздік ойыншысы» атанды
АСТАНА. ҚазАқпарат- Шайбалы хоккейден жастар арасындағы әлем чемпионатында астаналық Данияр Самат «Үздік ойыншы» атанды, деп хабарлайды ҚазАқпарат тілшісі Астана қаласының Мәдениет және спорт басқармасына сілтеме жасап.
«Астанадағы № 10 балалар мен жасөпірімдерге арналған спорт мектебінің» тәрбиеленушісі Данияр Самат шайбалы хоккейден жастар арасындағы әлем чемпионатында «Үздік ойыншы» атанды», -делінген аталған мекеменің Фейсбук-тегі парақшасында.
Айта кетсек, хоккейден 20 жасқа дейінгі жастар араындағы әлем чемпионатында Қазақстан жастар құрамасы топ-дивизиондағы орнын сақтап қалды. Олар әлем чемпионатының жұбаныш кезеңіндегі екінші кездесуінде Дания құрамасын 4:0 есебімен ойсырата жеңген болатын.
Сол сияқты аталған жастар арасындағы әлем чемпионаты өз мәресіне жетіп, онда Финляндия құрамасы чемпион атанғанын хабарлаған болатынбыз.
