Астаналықтар қар тазаланбаса әлеуметтік желі арқылы шағымдана алады
АСТАНА. ҚАзАқпарат - 2018-2019 жыл қысқы маусым басталғалы бері қаланы қардан, мұздан, мұзды сең мен сүңгілерден тазалау бойынша iKomek орталығына 4 638 өтініш келіп түсті, деп хабарлайды ҚазАқпарат қала әкімдігінің сайтына сілтеме жасап.
Сервисті әлдеқайда сапалы ұсыну үшін орталық қызметкерлері тұрғындарды қырағы болып, белгілі бір жайт орын алған жағдайда, суретке/видеоға түсіріп, iKomek орталығына мынадай жолдармен жіберуге шақырады: Telegram чат-боты; Әкімдіктің astana.gov.kz сайты; Әлеуметтік желілердегі жарияланымдарды #astana109 хештегін белгілеу: Facebook; Instagram; Telegram-арна.
