Астананы тұман басты: синоптиктер бүгін және ертеңге ауа райы болжамын жасады
Бүгін таңертең елорданы тұман басып тұрды, деп хабарлайды Kazinform тілшісі.
«Қазгидромет» РМК ақпаратынша, Астанада күндіз ауа +14…+16 °C дейін жылынады. Жел жылдамдығы 7-12 м/с дейін болады болжанып отыр, кей жерлерде екпіні 15 м/с дейін жетеді. Түнде ауа температурасы +7…+9°C болады.
Елордада ертең, 12 қыркүйекте күн салқын болады: күндіз +14…+16 °C, түнде +6…+8 °C. Жел 9-14 м/с дейін күшейеді.
Қазір елордада 11 градус жылы.
Бұған дейін «Қазгидромет» 9-11 қыркүйек аралығындағы күн райы болжамын жариялағанын жазған болатынбыз.
