Астананың коммуналдық қорынан баспанаға мұқтаждар есебінде 21 мыңнан астам адам тұр

АСТАНА. 25 ақпан. ҚазАқпарат - 2012 жылдың 1 ақпанында елорданың коммуналдық қорынан баспанаға мұқтаждар есебінде 21 424 адам тұрды, деп хабарлады «Инфо-ЦЕС» газеті Астана қалалық тұрғын үй басқармасының мәліметтеріне сілтеме жасап.

Оның ішінде 11314 адам - әлеуметтік аз қамтылғандар, 10089 адам - мемлекеттік қызметшілер, бюджеттік ұйымдардың қызметкерлері, әскери қызметшілер. Тағы 21 адамның жалғыз баспаналары апатты деп танылған.