Астрономдар жерге ұқсас ғаламшар тапты
АСТАНА. ҚазАқпарат - НАСА-ның астрономиялық «Кеплер» жерсерігі Айдаһар жұлдыздар шоғырынан қатты ғаламшар тапты, оның салмағы Жерден 17 есе үлкен, деп жазады Day.az.
АҚШ, Швейцария, Ұлыбритания, Италияның астрономдар тобы тапқан ғаламшар Кеплер-10с атауын алды. Канар аралдарындағы Пальма аралында орнатылған телескоп көмегімен ғаламшар туралы қосымша деректер жинау мүмкіндігі туды. Оның жасын зерттеушілер 11 млрд. жыл (Жердің жасы - 4,5 миллиард жыл) деп бағалады.
Ол Жерден сәулелік 560 жарық жыл қашықтықта орналасқан, оның диаметрі 29 мың шақырым, жұлдыз маңындағы айналымы 45 жер тәулігіне тең. Кеплер-10с бетіндегі тартылыс күші Жердегі тартылыс күшінен үш есе артық.
Ғаламшардың ерекшелігі - салмағы ауыр және қатты жыныстан тұрады. Кремний, темір және басқа да элементтері бар. Бұдан бұрын мұндай массадағы ғаламшарларға Юпитер, Сатурн сияқты газды алыптар жатқан. Алынған мәліметтерді есепке алған ғалымдар Кеплер-10с ғаламшарда қандай да бір тіршілік белгісі болуы мүмкін атмосферасы бар екенін айтуда.
"Мұндай ғаламшарлардың болуы жер жүзінде өмір қалай дамығандығын зерттеуге жаңа мүмкіндіктер ашады", - дейді ғаламшарды зерттеу жобасына қатысқан Женева университетінің қызметкері Стефан Удри.
