Ата Заң күніне орай Астанада әлемнің 19 елінен келген қонақтардың қатысуымен конференция өтеді
АСТАНА. 26 тамыз. ҚазАқпарат - Ағымдағы аптада еліміздің Ата Заңы күні кеңінен аталып өтеді. Бұл туралы бүгін Астанадағы дәстүрлі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«29-30 тамызда Қазақстан Республикасының Конституциясы күніне орай Астанада БҰҰ, Еуропа Кеңесі, ЕО, ЕҚЫҰ өкілдерінің және әлемнің 19 мемлекетінен келген қонақтардың қатысуымен «Конституция мемлекет пен қоғам дамуының негізгі стратегиясы» атты ғылыми-тәжірибелік конференция өтеді», - деді ресми өкіл.
