Атақты аудармашы Борис Дубин қайтыс болды
АСТАНА. ҚазАқпарат - 68 жасында танымал аудармашы, әлеуметтанушы Борис Дубин Мәскеу ауруханасында ұзаққа созылған дертінен қайтыс болды. Бұл туралы ресейлік БАҚ хабарлады.
Борис Дубин 1946 жылы Мәскеуде дүниеге келген. Ол испан әдебиетінің аудармашысы ретінде танымал болды. Ол Хорхе Борхес, Пабло Неруды, Фернандо Пессоа, Гийома Апполинера, Мориса Бланшо сынды испан, француз жазушыларының шығармаларын аударған.
Борис Дубин «Шетел әдебиеті» журналдарының әдеби сыйлығымен, Венгрия Мәдениет министрлігі және А. Леруа-Болье атындағы премиямен марапатталған. Оған сіңірген еңбегі үшін француз ұлттық ордені табыс етілген.
