Атақты емші Джуна Давиташвили өмірден озды
АСТАНА. ҚазАқпарат - Атақты емші Джуна Давиташвили 66 жасқа қараған шағында Мәскеуде көз жұмды. Бұл туралы ТАСС-қа оның досы, актер Станислав Садальский мәлім етті.
«Маған бұл туралы Джуннаның маңайында жүретіндер хабарлады»,-деді ол.
Джуна Давиташвили - ақын, емші, суретші, Халықаралық баламалы ғылым академиясының президенті.
БАҚ мәліметтері бойынша, оның пациенттері арасында Леонид Брежнев, Илья Глазунов, Марчелло Мастроянни, Роберт де Ниро болған.
Джуна сахнада Игорь Тальковпен және Андрей Державинмен бірге өнер көрсеткен.
Джуна емшінің шын аты-жөні - Евгения Ювашевна Давиташвили.
