Атақты футболшы Пелені немерелері сотқа берді

АСТАНА. 11 қазан. ҚазАқпарат - Аты аңызға айналған Бразилияның футболисі Пеленің немерелері аталарын сотқа беріп, өз шығындарын өтеуін талап етіп отыр, деп хабарлады «Ресейлік газет».

13 және 15 жастағы Октавио мен Габриэль медициналық сақтандыру мен білім алуларына кеткен 6 мың долларды қайтаруын сұрап отыр. Балалардың аналары 2006 жылы қаза болған еді.

Пеленің өзі болса, немерелерімен кездесуден бас тартты. Ол оларды соңғы рет 2011 жылы көрген екен. Судья балалардың әрқайсысына 760 доллардан ақша төлеу туралы шешім шығарды.