Атақты ғалым өзінің мерейтойында қонақтарды «Біржан мен Сара» операсына шақырды
АЛМАТЫ. Наурыздың 13-і. ҚазАқпарат /Айгүл Тұрысбекова/ - Алматыда балалар үйлерінің тәрбиеленушілері, студенттер мен мектеп оқушылары Абай атындағы мемлекеттік академиялық опера және балет театрына «Біржан мен Сара» операсына шақыру алды.
Өзінің 85 жылдық мерейтойын белгілі түркітанушы-ғалым, филология ғылымдарының докторы Шора Сарыбаев осылайша атап өтуге ұйғарды. Билеттерді де өзі сатып алды.
Қазақстан ғылымның ардагерін - мерейтой иесін құттықтауға сондай-ақ достары, әріптестері мен шәкірттері келді. «Ш.Сарыбаев елімізде филология ғылымдарының дамуы үшін көп іс тындырды. Ең бастысы - өз мектебін, ғалымдар шоғырын қалыптастырды, өзінің ісі мен идеяларын бүгінде жалғастырып отырған көптеген шәкірттер тәрбиеледі», - деді ҚР Білім және ғылым вице-министрі Махметқали Сарыбеков.
Атақты ғалым «Парасат» орденінің иегері.
