Атырау облысындағы өртте күйіп қалған екі адамның жағдайы ауыр

АТЫРАУ. KAZINFORM – Атырау облысының Индербор кентіндегі өрттен күйіп қалған екі адамның жағдайы ауыр күйде қалып отыр. 

Атырау облыстық Денсаулық сақтау басқармасы баспасөз қызметінің мәліметінше, бүгін, 25 сәуірде Индербор кентінде өрттен екі адам зардап шеккен.

«Индер аудандық орталық ауруханасына екі адам жеткізілді. Оның бірі – әйелдің жағдайы аса ауыр жағдайда деп бағаланып отыр. Науқастың денесінің 90-95 пайызын күйік шалған. Ал ер адамның жағдайы орташа ауыр. Қазір науқастың екеуі де жансақтау бөлімінде жатыр. Науқастар аппаратқа қосылған. Әйелді Атырау қаласына жеткізу үшін санавиация шақырылды», - деп хабарлады басқарманың баспасөз қызметі.

Еске сала кетелік, бұған дейін Атырау облысындағы Индербор кентінде өрттен екі бала мерт болғанын хабарлаған едік.