Атырауда тасқын судың ортасынан 80 жылқы қауіпсіз аумаққа шығарылды

су тасқыны
Фото: видеодан кадр

АТЫРАУ. KAZINFORM – Атыраулық құтқарушылар тасқын судың ортасынан 80 жылқыны қауіпсіз аумаққа шығарды. 

Атырау облыстық төтенше жағдайлар департаменті қоғаммен байланыс тобының мәліметінше, Қайыршақты ауылдық округінде тіркелген шаруа қожалығының шаруашылығы тасқын судың ортасында қалған.

«Осыған байланысты қожалық жетекшісі құтқарушылардың көмегіне жүгінді. Жедел құтқару жасағының құтқарушылары су ортасында қалған 4 үйірдегі 80 жылқыны қауіпсіз жерге айдап шығарды», - деп хабарлады департаменттің қоғаммен байланыс тобы.

Құтқару жұмыстарына 18 адам, 8 қайық, 4 техника тартылған. Бүгін құтқару жұмысы жалғасады.

Еске сала кетелік, бұған дейін Атырау облысының Махамбет ауданында 66 егін алқабы тасқын су астында қалғанын жазған болатынбыз

Соңғы жаңалықтар
telegram