Атыраудағы мұнай-газ және басқа да нысандар үшін қауіп жоқ

АТЫРАУ. KAZINFORM — Атырау облысындағы күрделі су тасқыны жағдайына байланысты өңірдегі мұнай-газ және басқа да қауіпті нысандарда қорғау шаралары жүргізіліп жатыр.

Кәсіпорындарды, «Квадрат» және «Тухлая Балка» булану кен орындарын, қатты тұрмыстық қалдықтар полигонын, «ANPZ» ЖШС нысандарын, NCOC компанияларын («Болашақ» зауыты), «КРІ» ЖШС, «KUS» ЖШС, «Вест Дала» ЖШС, «Қазтрансойл» АҚ «АНУ» және т.б зауыттардың су басу ықпалдығын азайту мақсатында қоршауларын пломбалау және нығайту, сонымен қатар құм қапшықтарын, пленка және басқа да материалдарды пайдалана отырып, қорғаныс бөгеттерін салу арқылы аталған кәсіпорындардың периметрлерін нығайту жұмыстары жүргізіліп жатыр.

Кәсіпорын нысандарын су басуынан қорғау бойынша басқа да тиімді шаралар қабылданып жатыр. Кадрлық кезекшілік ұйымдастырылды.

Бұл іс-шараға 32 арнайы техника,  зауыт пен мердігер ұйымдардың 220-дан астам қызметкері жұмылдырылған.

2024 жылғы 11 сәуірдегі жағдай бойынша нысандарды, желілік тораптарды немесе магистральдық мұнай құбырларын су басуы тіркелген жоқ.

Бүгінгі таңда су басу қаупі жоқ.