«Атырау-Маңғышлақ» жолаушылар пойызының тепловозы отқа оранды

АСТАНА. 11 мамыр. ҚазАқпарат - Атырау қаласының стансасында тұрған «Атырау-Маңғышлақ» бағытындағы жолаушылар пойызында өрт шықты.

ҚР Төтенше жағдайлар министрлігі хабарлағандай, өрт кеше, мамырдың 10-ы күні болған. «Атырау стансасының бірінші жолында тұрған №313 «Атырау-Маңғышлақ» бағытындағы пойыздың тепловозында жоғары вольтты электр желілері өртенді. Жарты сағаттың ішінде жалын ауыздықталды. Бұл төтенше жағдай пойыздардың жүруіне кедергі болған жоқ», - делінген баспасөз хабарламасында.