Атырау облысында 27 шетелдік рұқсатсыз жұмыс істеген
Облыстық полиция департаменті баспасөз қызметінің мәліметіне сүйенсек, республикалық «Мигрант» жедел профилактикалық іс-шарасы өтіп жатыр.
«Республикалық іс-шараның алғашқы күнінде Жылыой аудандық полиция бөлімінің қызметкерлері Құлсары қаласындағы құрылыс нысанындарында тексеру жүргізді. Тексеру кезінде жергілікті атқарушы органның рұқсатын алмай, заңсыз еңбекке тартылған Өзбекстан Республикасының 27 азаматы анықталды» -деп хабарлады департаменттің баспасөз қызметінен.
Заңсыз жұмыс істеген шетелдіктерге қатысты ҚР Әкімшілік құқықбұзушылық Кодексінің 517-бабының 5-бөлімімен әкімшілік іс қозғалып отыр. Қазір іс құжаттары жинақталып жатыр.
Еске сала кетсек, бұған дейін Атырау облысында 24 шетелдік елден мәжбүрлі түрде шығарылған хабарлаған болатынбыз.