Атырау облысында 6 мектепте үш ауысымдағы оқу жойылады

АТЫРАУ. ҚазАқпарат – Атырау облысының 6 мектебінде үш ауысымдық білім беру жойылады, деп хабарлайды ҚазАқпарат.

Жыл сайынғы тамыз кеңесінде Атырау облыстық Білім басқармасының басшысы Сатқан Есенғалиев айтып өткендей, қазіргі уақытта жалпы 2100 орындық 3 мектептің құрылысы жүріп жатыр. Сондай-ақ 2 мектепке 120 орындық ғимараттар жапсарластыра салынуда.

«Құрылыстар ағымдағы жылы аяқталады. Нәтижесінде үш ауысымды 6 мектептің мәселесі шешілетін болады», - деді Сатқан Есенғалиев.

Айта кетейік, облыста бүгінде үш ауысымды 12 мектеп, 5 апатты мектеп бар.