Атырау облысында бұршақ жауып, найзағай ойнайды
АСТАНА. ҚазАқпарат - «Қазгидромет» РМК Атырау облысында ауа райына байланысты ескерту жариялады, деп хабарлайды ҚазАқпарат.
«18 қыркүйекте Атырау облысының кей жерлерінде найзағай ойнап, шаңды дауыл тұрады. Бұршақ жауады. Батыс және оңтүстік-батыстан соққан желдің жылдамдығы 15-20 м/с дейін күшейеді. Осы күні Атырау қаласында да күндіз шаңды дауыл күтіледі. Батыстан соққан желдің қарқыны 15-20 м/с дейін жетеді» делінген хабарламада.
Дауыл тұру ықтималдығы - 80-85%.
Еске сала кетейік, бүгін «Қазгидромет» Маңғыстау облысында қатты жел тұратынын, ал Шығыс Қазақстан мен Солтүстік Қазақстан облыстарында үсік жүретінін ескерткен болатын.
