Атырау облысында үш күнде 1 201 адам коронавирусқа шалдықты
Атырау облысында соңғы аптада қауіпті вирусты жұқтырушылар саны артып отыр.
Мәселен, 12 қаңтарда 243, 13 қаңтарда 437, ал, кеше, 14 қаңтарда 521 адам коронавирус
инфекциясын жұқтырған.
«Covid-19 инфекциясына шалдығу дерегі әсіресе, Атырау қаласында көбейді.
Мұнайлы шаһарда 14 қаңтарда қауіпті вирусты жұқтырудың 386 жағдайы расталды. Теңіз
кен орнында 27 науқас анықталды. Індеттің белгісі Жылыой ауданында 30, Индерде – 20,
Махамбетте – 18, Қызылқоғада – 11, Құрманғазыда –11, Исатайда – 10, Мақат ауданында 8 адамнан табылды. Коронавирусқа шалдыққандардың арасында 272 науқаста симптомды белгі бар», -деп хабарлады облыстық денсаулық сақтау басқармасының баспасөз қызметі.
Қазір 1 075 адам үй жағдайында емделіп жатыр. Өңірдегі инфекциялық стационарларда
хаттамаға сәйкес, ем-дом қабылдау үшін 524 науқас оқшауланған. Оның ішінде Теңіз кен
орнындағы инфекциялық стационарда – 279, модульдік ауруханада – 201, аудандардағы
стационарларда – 32, фтизиопульманологиялық орталықта 12 пациент бар.
Еске сала кетелік, бұған дейін «қызыл» аймақтағы Атырау облысында 437 адам
коронавирус инфекциясын жұқтырғаны хабарланған еді.